ఆంతర్మధనం

ఆంతర్మధనం

చప్పట్లు కనిపించని చీకటిలొ.......వినిపించక పొతె ? 

నడిచే దారే ...పాదాలను ప్రశ్నలడుగుతుంటే?     

కాగితపు పడవలొ మహ సముద్రాలీదుతుంటే ?

ఆలసిన శరీరానికి..

ఆవేదన నిండిన మనసుకు 

సాయం ఎవరు ?

నా కలం విసిరిన అక్షరాలే 

వెలుగు చినుకులౌతుంటే...

వెలుగు చూడని కావ్యం

ప్రసవించని శిశువు   

చాటలేని   సామర్ధ్యం

అలల కెరటాలు ఎత్తుకొచ్చిన ఇసక 

చేరాక కాని కనిపించవు కదా!

కనిపించకపొతే  చూపు చేరలేదనా ?   

వినిపించకపొతె ఉనికి లేదన ? 

మనసు తెరలు వీడినప్పుడు.. 

ఓడిసి పట్టలేనంత వెలుగు..

కాలాన్ని  ప్రశ్నించే తెగువ

ఓప్పుకున్నపుడే కదా ఒటమి

ఏది చాతకాన్నపుడే కదా రాజి... 

విరుచుకపడ్డపుడే కదా విజయం.. 

  

అంతా తెలిసి రాయలెనప్పుడే కదా.. 

ఆంతర్మధనం